Georgia Municipal Development Fund Tender

საქართველომ მიიღო მსოფლიო ბანკის დაფინანსება „ინოვაციები, ინკლუზიური განათლება და ხარისხი“ (i2q) პროექტის დაფინანსებისთვის. აღნიშნული დაფინანსების გარკვეული ნაწილი გამოყენებული იქნება შემდეგი სამუშაოებისთვის: თეთრიწყაროს მუნიციპალიტეტის სოფელ ღოუბანის საჯარო სკოლის, მარნეულის მუნიციპალიტეტის სოფელ არაფლოს საჯარო სკოლის (ახლომახმუდლოს დაწყებითი სკოლა), დმანისის მუნიციპალიტეტის სოფელ საფარლოს საჯარო სკოლის, წალკის მუნიციპალიტეტის სოფელ საბეჭისის საჯარო სკოლის და წალკის მუნიციპალიტეტის სოფელ ნარდევანის საჯარო სკოლის აიაზმის დაწყებითი სკოლის დეტალური პროექტის მომზადება და სამშენებლო სამუშაოები. აღნიშნულ შესყიდვაზე არ ვრცელდება სახელმწიფო შესყიდვის პროცედურები. სატენდერო წინადადებების წარდგენა და წინადადებების გახსნა ჩატარდება ელექტრონულად სახელმწიფო შესყიდვების ერთიანი ელექტრონული სისტემის გამოყენებით, გარკვეული მოდიფიკაციებით. სახელმწიფო შესყიდვების ერთიანი ელექტრონული სისტემის ძირითადი მოდიფიკაციები შემდეგია: - გაუქმებულია ვაჭრობის სამი რაუნდის ფუნქციონალობა. ვაჭრობის დამატებითი რაუნდები არ გამოიყენება. - ელექტრონულ სისტემაში შესყიდვის წინასწარი/სავარაუდო ღირებულება ღიაა, თუმცა ტენდერის მონაწილეებს შეუძლიათ წარმოადგინონ წინადადების ფასი, რომელიც შეიძლება იყოს სავარაუდო ღირებულებაზე მაღალი ან დაბალი. ამასთან, სატენდერო წინადადების ფასის დადგენა არის ტენდერის მონაწილის პასუხისმგებლობა, რაც დაფუძნებული უნდა იყოს მიმდინარე საბაზრო ფასებზე და სხვა ფაქტორებზე, რომლებმაც შეიძლება გავლენა მოახდინონ წარმოდგენილი სამუშაოების განფასებაზე. გთხოვთ გაითვალისწინოთ, რომ ტენდერი ტარდება მსოფლიო ბანკის შესყიდვების სტანდარტული დოკუმენტის მიხედვით (სატენდერო წინადადების წარმოდგენის მოთხოვნა ეროვნული საბაზრო მიდგომისათვის), რაც მითითებულია მსოფლიო ბანკის „შესყიდვების რეგულაციებში მსოფლიო ბანკისგან საინვესტიციო პროექტების დასაფინანსებელი სესხის მიმღებთათვის, 2016 წ. ივლისი, განახლებული 2017 წ. ნოემბერი, 2018 წ. აგვისტო და 2020 წ. ნოემბერი”. * სატენდერო წინადადებაზე ხელმომწერ პირს უნდა ჰქონდეს ხელმოწერის უფლებამოსილების დამადასტურებელი დოკუმენტი. ** მონაწილემ საკონკურსო წინადადების ფასი უნდა დააფიქსიროს ერთიანი ელექტრონული სისტემის შესაბამის ველში.